MICHEZO

Liverpool Mabingwa Wapya UEFA CHAMPION LEAGUE 2019

on

Liverpool ndio mabingwa wa kombe la ligi ya mabingwa Ulaya kwa mara ya sita baada ya kuilaza Tottenham katika mechi ilioshirikisha timu mbili za Uingereza mjini Madrid.

Mohamed Salah alifunga goli la penalti baada ya dakika mbili kufuatia masikhara ya Moussa Sissoko aliyeshikishwa mpira na Sadio Mane katika eneo hatari

Baada ya penalti hiyo, kipindi kilichosalia cha mchezo hakikuwavutia wengi kutoka timu zote mbili hadi pale Divock Origi aliyefunga magoli mawili katika nusu-fainali dhidi ya Barcelona alipoifungia Liverpool goli lao la pili.

Hatahivyo kiwango cha mchezo hakitamjalisha mkufunzi wa Liverpool Jurgen Klopp ambaye alipoteza fainali ya kombe hilo mwaka uliopita kwa Real Madrid.

Hatua ya Tottenham kumuanzisha mshambuliaji Harry Kane ambaye alikuwa akiuguza jeraha kwa kipindi cha miezi miwili haikuzaa matunda.

Spurs ambao hawakupata fursa ya kutekeleza hata shambulio moja hadi dakika ya 73 walipata fursa nzuri ikiwa imesalia dakika 10 wakati Son Heung -min na Lucas Moura aliyeingia katika kiupindi cha pili waliposhambulia lakini kipa Allison aliokoa msahmbulizi yao.

Ni kombe la kwanza la Liverpool chini ya ukufunzi wa Klopp, ambaye alikuwa amepoteza fainali sita ikiwemo fainali mbili za kombe la mabingwa Ulaya.

Na Tottenham waliposhindwa kusawazisha waliadhibiwa na Divock Origi aliyingia kama mchezaji wa ziada na kuhakikisha kuwa mkufunzi Jurgen Klopp anashinda kombe lake la kwanza kama Mkufunzi wa Liverpool baada ya kupiga mkwaju wa kimo cha nyoka uliomuwacha bila jibu kipa wa Spurs Hugo Lloris huku ikiwa zimesalia dakika tatu.

Mkufunzi wa Spurs Mauricio Pochettino alifanya uamuzi wa bahati nasibu bada ya kumchagua nahodha wa klabu hiyo na Uingereza Harry Kane kushiriki katika mechi hiyo licha ya yeye kutoshiriki katika mechi tangu mwezi Aprili kutokana na jeraha la kifundo cha mguu, akichukua mahala pake Lucas Moura aliyefunga magoli matatu dhidi ya Ajax.

Liverpool walishinda kombe hilo ambalo liliwaponyoka msimu uliopita nchini Ukraine na sasa wako nyuma ya Real Madrid na AC Milan kama klabu zilizoshinda kombe hilo kwa mara nyingi.

Kipenga cha mwisho kilizua sherehe kubwa miongoni mwa wachezaji , wasimamizi wa timu pamoja na mashabiki waliojaa katka uwanja wa Wanda Metropolitan.

Kitu kimoja ambacho hakitasahaulika wakati Liverpool iliposhindwa na Real Madrid katika fainali ya kombe hilo msimu uliopita ni picha ya Mo salah akionekana kububujikwa na mchaozi baada ya kupata jeraha la bega wakati walipokuwa wakipigania mpira na Sergio Ramos.

Ulikuwa wakati ambao ulibadilisha hamu ya mchezo huo ndani ya uwanja huo huku Liverpool ikishindwa kubadili matokeo.

HUYU NDIYE PLATNUMZ KUTOKA MKOANI MWANZA

TOA MAONI YAKO HAPA

Recommended for you

1 Comment

  1. Pingback: Liverpool Mabingwa Wapya UEFA CHAMPION LEAGUE 2019 – News Blog

Leave a Reply