MICHEZO

Iwobi Na Wizikid Walivyo Itambulisha Jezi Mpya Ya Timu Ya Taifa, Nigeria

on

Timu ya taifa ya mchezo wa mpira ya nchini Nigeria iitwayo Super Eagles wazindua jezi zitakazo tumika katika Kombe la Dunia 2018 . Jezi hizo zimezinduliwa rasmi na kampuni ya Nike pamoja na Shirikisho la Soka la Nigeria (NFF). Nike kwa sasa ndiyo kampuni rasmi inayodhamini timu hiyo ya taifa la Nigeria.

Mtengenezaji wa jezi hizo aliziwasilisha jezi hizo kwa NFF kwenye sherehe iliyo fanyika huko jijini London siku ya jana Jumatano.Jezi Super Eagles zitakazo tumika kwenye Kombe la Dunia la mwaka huu zilivaliwa kwa mara ya kwanza na mshambuliaji wa timu ya Arsenal Alex Iwobi pamoja na mwanadada Sophia Omidiji aliyevaa jezi za timu ya wanawake la taifa hilo Super Falcons.

Timu ya Super Eagles itakutana uso kwa uso na timu ya Argentina, Croatia na Iceland katika kikundi D kwenye Kombe la Dunia litakalo fanyika juni mwaka huu.

ADD YOUR COMMENTS